Laba

ETA BIOK - Maite Mutuberria eta Mikel Santos 'Belatz'en arteko solasaldia

Fri, 29 Aug 2025 17:24:58 GMT

Ilustrazioaz eta bakoitzaren ibilbideaz eta prozesuaz mintzatuko dira gure oholtzan. Nafarroako komikiaren XVI. Aretoaren barneko ekitaldia.

Etxe bat

Thu, 05 Feb 2026 11:13:45 GMT

Duela mende inguru zioen Virginia Woolfek «idazleak dena duela kontra, idazten ari dena oso-osorik atera dakion gogotik». Eta zehazten zuen «askoz ere handiagoak direla zailtasun horiek guztiak emakumeen kasuan, XIX. mende hasiera arte pentsaezina baitzen emakume batek gela bat izatea norberarentzat, are gutxiago zaratarik gabeko gela lasai bat, haren gurasoak txit aberatsak edo nobleak ez baziren behintzat». Halaxe hasten zuen entsegu beteko aldarrikapena: Gela bat norberarena. 95 urte igaro dira ordutik eta andrazko idazleak agian izendatu du etxean gela bat norberarena; baina gero, bizitza iragazi zaio zirrikituetatik...

Testuak eta gidoia: Yolanda Arrieta Malaxetxebarria. Etxe bat norberarena liburuan oinarrituta. Kantak eta soinuak: Peru Galbete Labiano

Solstizio elektronikoa

Thu, 04 Jun 2026 11:09:49 GMT

Udari ongi etorria emango diogu pintxada saio mundialarekin. Urtean zehar LABAtik pasatzen diren Dj gehienak izango ditugu etxean, gorputzak mugiarazten. Animatu!

Adrien Body, Budin, David Ballano, Flecha, Joshy, Obrium, Odd Signals, Pablo Cotton, Scratch Rambo izango ditugu!

Bermu-pintxada

Tue, 30 Dec 2025 17:26:28 GMT

Flecha x Pablo Cotton

InproFestAkzioa

Thu, 11 Dec 2025 10:41:47 GMT

Taldea: inprolabel **Publikoa: **13+ (helduentzat) Iraupena: Ordu bete Laburpena: Momentuan sortutako antzerkia, inoiz berdina izango ez dena! Euskaraz egina, nafarra, freskoa eta dibertigarria! Inprolabel taldea osatzen dugun aktoreok urteak daramatzagu antzerkiaren munduan, komedia fisikoa, klouna, musika… Arlo askotan ibilitakoak gara.

Oraingoan, inprobisazioan murgildu gara, diziplina horiek guztiak batu edo desmuntatzeko!

Tribialaba

Thu, 11 Dec 2025 10:49:47 GMT

Ezagutzak astindu eta lehiakideekin barre egiteko jokoa. Hileroko azken asteartean.

Txes an Txis Palestinaren alde

Thu, 09 Apr 2026 09:22:57 GMT

Xake txapelketa eta gazta dastaketa Palestinaren alde. Parte hartzaile bakoitzak 10€ ordainduko ditu egunean bertan (eraman Cash-a!). Partiden artean Gazta dastaketak egingo dira eta Palestine Drinks freskagarriak salgai.
Txapeldunak gazta zati bat eta Palestinaren aldeko Totebag bat eramanen ditu. Txapeldunordeak Totebag-a. Egunean jasotako diru guztia (gaztarena, edariena...) Palestinaren alde lan egiten duen Handala Elkarterako izango da. Animatu! Izen ematea hemen: [https://forms.gle/NgqPTNa9Fg2qCog79]

Zahartzaroaren maparen bila - Arantxa Urretabizkaiaren liburu aurkezpena

Fri, 17 Oct 2025 11:59:10 GMT

Zahartzaroari buruzkoa da liburu hau, batez ere muga guztiak kontuan izanda ere maila handi batean geure buruaren jabe izan nahi eta ahal dugun zaharroi buruzkoa, ez buruak edo gorputz osoak kale egin ondorengo zaharrei buruzkoa. Erdi Aroko mapetan, mapagilearentzat ezezagunak ziren lurraldeak seinalatzeko, hic sunt dracones jartzen zuten. Hemen herensugeak daude. Terra ignota edo terra incognita ere esaten zitzaion. Bada, belaunaldi oso bat abiatu da herensugez jositako lurralde ezezagun horietan, maparik gabe, baina iparrorratz bat eskuan. Autonomia da iparreko izarra, zaharrok pertsona orok dituen eskubideen jabe garela.

Ongi etorri Iruñera

Thu, 12 Feb 2026 09:03:08 GMT

Saio bakoitza gai baten inguruan ardazten da. Otsailean gastronomia izanen da.

Mahai-joko kedada

Fri, 14 Nov 2025 14:41:32 GMT

Mahai-joko zaleok: zenbatetan jolastu dugu, halabeharrez, erderaz? Orain euskaraz aritzeko aukera izanen dugu hilabetean behin, Laban. Dinamika erreza da: bertaratu, aukeratu zertara jolastu nahi duzun, eta ongi pasa! Bigarren topaketa azaroaren 18ean, 18:00tan, LABAn!

Labaren 4. urteurrena

Tue, 30 Dec 2025 17:34:27 GMT

Euskaraokea

Fri, 15 May 2026 11:05:36 GMT

Txikitako oroitzapenak berpizteko jaia, Ixiar Orejak berak aurkeztuta! Zatoz euskal kantuen katalogo osoa ahal bezala kantatzera!!

Bergmann Selektor, biniloekin.

Fri, 19 Sep 2025 11:20:47 GMT

Aditu duzue hori? 🎚️Bolumena igo 🎧lekua hartu 🎛 Entzuteko txokoa martxan dugu eta! Larunbat iluntzean Bergmann Selektor, biniloekin. 20:00etatik aurrera, Laban

Sueder

Thu, 09 Apr 2026 09:07:06 GMT

Sueder talde gernikarraren kontzertua. Euren hirugarren diska aurkeztera datoz, Pop Rock alaiaz beterikoa.

Sendatzen duten hitzak

Fri, 27 Mar 2026 18:36:13 GMT

Hasier Larretxeak gidatutako idazketa tailerra, Nafar Ateneoaren eskutik. Parte hartzeko aurretik izena eman beharra dago helbide honetan: euskera@ateneonavarro.com . Tailerra egun hauetan izanen da: Martxoak 9 eta 23, apirilak 20, maiatzak 4 eta 18, eta ekainak 15.

Tradizionalki, herriko plaza zentralizazio eta topaketa gunea izan da, Iruñean eta baita Nafarroako herrietan ere. Atelier honen saioetan, intimitatea eta kolektibotasuna, isiltasunak eta hitza, norbanakoaren memoria eta komunitatearen ondarean sakondu nahi dugu eta ariketa egin idatziz nola jaso izan den eta norberak nola jaso dezakeen ikasteko.

**Hasier Larretxea ** (Arraioz 1982) Poeta, narratzaile eta performerra da. Bere lanak identitatean, lurraldean eta memorian sartzen ditu eskuak, iraganaren eta orainaren artean bidea irekiz.

Ongi etorri Iruñera

Mon, 29 Sep 2025 08:36:57 GMT

Ongi Etorri Iruñera topaketa zikloa duela bi urte jaio zen LABA eta Lantxotegi elkarteen eskutik. Euskarara hurbiltzeko egitasmoa gauzatu zen bertako euskaldunak eta etorkin eta errefuxiatuekin elkartzeko, gizarte proiektu bat osatuz. Hilero saio tematiko bat, zazpi topaketa osotara, euskara denon eskuan izan dezan. Aurten, AEK euskaltegia batuko da ziklora.

Bertsoplazerrak

Mon, 29 Sep 2025 08:32:44 GMT

Imagina dezagun sexualitatea joku amaiezina bezala, milaka fitxekin. Sare Elkarteak antolatu duen bertso-saio honetan, Josu Sanjurjok, Beñat Astizek eta Joanes Illarregik, chemsex, plazerra eta ligoteoaren fitxekin jokatuko dute.

Irekiera festa

Fri, 29 Aug 2025 17:22:56 GMT

Egun osoko egitaraua antolatzen ari gara:

10:30 Kalejira – Broken Brothers Brass Bandekin. O plazatik alde zaharrean barrena.
12:00 Leihotik kantuan – Amets Aranguren, Julen Goldarazena (Flako), Idoia Tapia eta Oier Zuñiga.
12:30 Inaugurazio ekitaldia
13:30 DJ Barbarie
14:30 Bazkaria*
17:00 Denboraren kapsula
19:00 Drag Showa – Haizemin eta Posidonia Oceanica
20:30 Afaltzekoa, poteak eta giro ona
21:00 DJ Zuribostnerisei

Euskal literatur sistemaren bizioak + Meza Nagusia ekitaldia

Thu, 11 Dec 2025 08:49:29 GMT

Sareinak taldearen urteurrena ospatzeko, mahai-inguru berezia izanen dugu: Euskal literatur sistemaren bizioak Bertan parte hartuko dute Yolanda Arrietak, Inma Erreak eta Ines Castiellak, eta umorea ardatz hartuta, euskal literaturaren sistema osatzen dugunok ditugun bizio edo ohitura txarrak zerrendatuko dira, autokritika osasuntsua izan nahiko lukeena.

Mahai-inguruaren ostean, Uxue Alberdiren eta Amoranteren Meza nagusia ekitaldia eskainiko da.

Labea

Mon, 29 Sep 2025 08:32:17 GMT

Txisteak ez dira bakarrik sortzen, idatzi behar dira. Behin idatzita, onak diren jakitzeko probatu behar dira. Horretarako dago Labea, labetik atera berri dauden txiste horiek dastatu eta zapore ona duten edo mingaina erreko diguten jakiteko.

Hilabetero, Euskal Herri osoko hainbat komiko hurbilduko dira Labara material berria probatzera. Txiste batzuk onak izango dira. Beste batzuk, behintzat, euskaraz.

Mahai-joko kedada

Wed, 22 Oct 2025 11:20:53 GMT

Physis versus Nomos

Wed, 29 Oct 2025 11:37:56 GMT

Physis versus Nomos Beñat Antxustegiren proiektu pertsonala da. 2010 urtean sortu zen eta gaur egun talde bat da "Burdin gozoa eta arrabioa" den bostgarren lana aurkeztuko digute. Soinu lasai eta melodikoak lantzen dituzte gitarra eta ahotsaz gain saxofoia, baxua eta bateriarekin.

Helbideak: https://physisversusnomos.bandcamp.com/

The Hönkies + Larra bideak

Fri, 29 May 2026 11:15:08 GMT

Kontzertu bikoitza LABAn! The Hönkies R&R hirukotea datorkigu, Larra bideak taldearekin batera. Zatozte zuzeneko musikaz gozatzera!

Iruinkokoa

Thu, 12 Feb 2026 08:53:59 GMT

Iruinkokoaren lehenbiziko asaldua Laba aurrean izanen da, Gazteluko plazan. Plazako zenbait eragile batu gara asaldua prestatzeko. Iruinkokoa 10:00etan abiatuko da Zaldiko Maldiko elkartetik, eta lau geldialdi eginen ditu Alde Zaharreko karrika eta plazetan: Gazteluko plazan, Antsoleaga karrikan, Santa Ana plazan eta O-ko plazan.

FinaLABA

Wed, 25 Mar 2026 12:13:07 GMT

Bertx(h)ori sariketako finala Laban jokatuko da. Julen Bernaldo de Quirós Royo Berni , Iruri Altzerreka Martinez, Antton Ziriza Saragueta, Maddi Agirre Epelde, ITziar Agirre Sagaseta eta Haira Aizpurua Ibargarai arituko dira buruz-buru. Gai jartzaileak: Ane Fagoaga Izquierdo eta Iratxe Legarra Nuin. Saioaren ondoren, afaria Arrano elkartean.

Mahai-joko kedada

Thu, 11 Dec 2025 10:44:51 GMT

LABEA

Fri, 27 Mar 2026 18:30:57 GMT

Txiste berriak frogatzera datoz komiko zahar eta berriak. Animatu, denboraldiko azkenaurrekoa da eta!

Del Val + Miaw

Mon, 12 Jan 2026 17:19:12 GMT

DEL VAL. Jon García del Val eta Marta Ugartega musikariek osatzen dute Del Val talde arrasatearra. Popa, punka, indiea eta zarata. Soinu biziak eta giro bisualak sortzen dituzte, gitarra, sinteta, bateria eta ahotsen bidez.

MIAW. Danimarkatik dator bikote hau, eta Drum&bass, shoegaze eta 90eko hamarkadako trip-hop nahasketa berezia egiten du. Energiaz betetako zuzeneko eklektikoa eskaintzen dute, erritmo biziak eta atmosferak uztartuz.

Erupzioa

Wed, 22 Oct 2025 10:54:08 GMT

**Egun osoko egitaua Arrosadia auzoan: **

11:00 - Kalejira Broken Brothers Brass Bandarekin. Taxoare karrika

11:15 Bakarrizketa: Lander Varona Eraikin inteligenteak

11:50 Aireko akrobazietako emanaldia: Dikotomien Lirika. Ilargi Enea parkea

12:20 Dantza emanaldia. Euliak. Dantzariak: Amaia Martinez eta Yuantao Gorriz. Musika: Asier Capon. Alfredo Floristan plaza

13:00 Sikeran. Kontzertu akustikoa. Manuel de Falla

14:30 Bazkaria Izen emateko: https://labur.eus/erupzioa 15 € *18 urtetik beherako gazteek, ikasleek eta langabetuek: 5 €. Haurrak, doan. Urriaren 30era arte salgai. San Fermin peña

17:00 Euskaraokea San Fermin peña

Korrikaren aurkezpena

Thu, 11 Dec 2025 10:36:26 GMT

24. Korrika martxoaren 19tik 29ra iraganen da. Iruñerriko AEK-k Korrikaren aurkezpena eginen du Laban, Pantxika Lamourrekin.

Ongi etorri Iruñera

Fri, 14 Nov 2025 14:43:22 GMT

Danel Galdaeraren Bakarrizketa

Thu, 04 Jun 2026 11:02:21 GMT

Mintzakide ikasturte bukaera festa. Danel Galdaeraren bakarrizketa saioa ikasturtea ixteko. Ondoren, mintzapraktikan jarraitzeko, geratu Laban eta hurbildu Torino berriko barrara!

Punto de Vista + Anavi

Thu, 09 Apr 2026 08:45:07 GMT

Punto de Vista nazioarteko zinema dokumentalaren jaialdiaren aurkezpena eta ondoren Anaviren kontzertua.

Olentzero eta Mari Domingi. Zergatik ote?

Wed, 05 Nov 2025 12:00:17 GMT

Olentzero y Mari Domingi, berez, banakako istorioak dira. Bakoitzak bere nondik-norakoa badu. Etorrera bana eta elkarrengandik bereizia dute. Euskal Herriko kokapen geografiko zeharo ezberdinetan dute kultur-jaiotza. Baita, kultur-fantasien munduaren barruan ere arketipo ezberdinei eusten diete. Dena den, aspaldi honetan elkarrekin agertzen dira Gabonetako ospakizun publiko batzuetan. Ikur bikodun berri hau, kultur-asmazio berritzailea -irudiz- izan arren, egun gizarte zabalean genero harremanaz explizituki ari diren ideien aurretan oso kontserbadorea da.

Tribialaba

Fri, 29 Aug 2025 17:23:54 GMT

Ezagutzak astindu eta lehiakideekin barre egiteko jokoa. Hileroko azken asteartean.

Laba aretoaren 4. urteurrena

Thu, 08 Jan 2026 14:21:00 GMT

Laba aretoaren laugarren urteurrena ospatzeko ekitaldi txiki bat.

Ongi Etorri Iruñera

Thu, 09 Apr 2026 09:48:04 GMT

Etorkinekin batera kultura elkartrukea; Lantxotegi elkartearekin elkarlanean.

Luis Lizarraga Kapitaina - Liburu aurkezpena

Mon, 22 Sep 2025 09:52:25 GMT

1512/1522. artean, Nafarroaren eta bere askatasunaren alde borrokatu ziren Kapitainen ibilbide eta borrokak kontatzen dituen eleberria: Gaztelak hondasunak kendu eta heriotzara kondenatu zituen, baina 500 urte geroago bere ohorea eta oroimena berreskuratzen ditugu hau bezelako lanekin.

Hiru emazte kantari

Tue, 03 Mar 2026 12:02:07 GMT

Kontzertua

Xoka - Magma Mia!

Wed, 22 Oct 2025 11:07:16 GMT

Haserre nago, sutan nago, irakiten nago... Presio gehiegi eta zulo guztiak itxita mantentzeko hezi naute. Sumendia lehertzear dago... Magma Mia!!! Bakarrizketa honetan zisheteropatriarkatuak egunerokotasunean gure gorputzetan duen eragina aztertzen da, adin ertaineko emakume baten ikuspegitik.

15 egun, 15 kontzertu - Musika zuzenean

Mon, 29 Sep 2025 08:28:13 GMT

15 Urte Lehen Lerroan 15 urte - 15 egun - 15 Kontzertu Bira

Urriaren 5etik 19ra bitartean Euskal Herrian zehar 15 emanaldiko bira bat burutuko dugu, 15 egun jarraian zuzeneko musika eskaintzen taberna, gaztetxe, elkarte eta gune auto-gestionatuetan zehar.

L4b LABA Bol II: Cosmic Lithium

Thu, 09 Apr 2026 09:00:24 GMT

L4b LABA Musika Ikuspegi Berritzaileen zikloaren bigarren saioa. Honakoan Cosmic Lithium Djaren eskutik, IDM/experimental estiloekin.

Tribialaba

Mon, 29 Sep 2025 08:12:36 GMT

Ezagutzak astindu eta lehiakideekin barre egiteko jokoa. Hileroko azken asteartean.

Sendatzen duten hitzak

Thu, 04 Jun 2026 10:46:58 GMT

Hasier Larretxeak gidatutako idazketa tailerra. Izen ematea itxita dagoeneko. Zikloaren azken saioa. Nafar ateneoak antolatuta.

Xak

Mon, 12 Jan 2026 17:10:42 GMT

Xak talde garaztarraren kontzertua.

Ongi etorri Iruñera

Tue, 11 Nov 2025 09:13:08 GMT

Kutxaz Kanpo: Hizkuntza ohiturak

Fri, 29 May 2026 11:10:31 GMT

“Kutxaz kanpo” Badalab Hizkuntza Berrikuntza Laborategia eta Fikzio Fabrika kolektiboaren artean mahai, karta eta rol jokoen bidez pentsamendu eta hausnarketa bide berriak sustatzeko marko ludiko eta esperientziala da, euskararen eta euskal hiztunon etorkizunak elkarrekin pentsatzeko marko moldagarri eta modularra bezala planteatu duguna.

Saioa LABAn izango da.

Hizlariak – Goiatz Urkijo Castañares (Euskaraldiaren koordinatzailea) – Pablo Suberbiola Unanue (Soziolinguistika klusterreko ikerlaria) Helburuak

• Gaiaren inguruko esperientzia eta ezagutza duten eragile eta kasuak zuzenean ezagutzea. • Euskararen oraina eta etorkizunari buruzko hausnarketa, elkarrizketa eta esperientzia kolektiboak ahalbidetzea. • Ohiko ikastaro formatuetatik haratagoko formakuntza markoekin elkarrekin esperimentatzea.

Nori zuzenduta Euskararen eta euskal hiztunen etorkizunengan interesa duen orori. Zikloan zehar gai eta hizlari ezberdinak egongo direnez, interes edo ardura espezifikoa daukaten pertsonentzat saio batzuk beste batzuk baino interesgarriagoak izan daitezke, baina ziklo osoa interesgarria izan daiteke ikuspegi zabal eta anitzagoa bilatzen duenarentzat.

Bertso trama

Fri, 29 Aug 2025 17:25:50 GMT

Iruñeko kaleetatik sumatu dituzue: taldean doaz, mozkorrak dira, mozorro tuntunez jantziak daude... Bai, ezkondu aurreko agur-festak dira. Labako oholtza ere hartuko dute irailaren 25ean. Baina hau ez da ohiko agur-festa izanen: lau lagun, sekretu bat eta hamaika korapilo topatuko dituzue. Animatu bertso trama honen parte izatera!

Ongi etorri Iruñera

Thu, 11 Dec 2025 10:52:44 GMT

Aldrebes - Ipuin aurkezpena

Fri, 29 Aug 2025 17:28:04 GMT

Eneritz Basabe ipun kontalari eta ilustratzailearen eskutik ipuin kontaketa. Ahate bat igerian dabil eta animaliak, banan-banan, gaizki ari dela diote. Lagundu nahiean, erabat nahasten dute hegazti gaixoa.

Burutik

Thu, 23 Oct 2025 08:43:23 GMT

Burutik talde Nafarra 2020. urtean sortu zen Iruñerrian, pandemia erdian "Paradisua" izeneko lehen diska kaleratuz. Laister egin zuten txokoa bertako eszenan, eta "Damuak" singlea tartean "Hamabost Segundu" bilduma argitaratu zuten 2022an.

Honek Nafarroatik kanpo oihartzunak izan bazituen ere, 2023an konposatu zuten hiru abestiko lan laburrarekin eman zuten sona Erkidego zein Iparralden. Honen izena: "Zerua eta Zorua: Hiru Kanta Bakardadeari" Azkenik, 2024aren lehen erdian argitaratu zuten "Lehengo Aldeko Hitzak" singlea. Honen aurkezpen biraren amaiera ondotik, Luarrek (ahotsa eta gitarra) taldea utzi behar izan zuen tamalez, zetozen hilabeteetan geldiune bati bide emanez.

2025 hasieran ordea, Naroa iritsi zen talde nafarrera, etapa berri bat izango denari hasiera emateko. Urtarrilan bertan estudiotik pasa eta lan berriek forma hartu zuten honela. Hila berean Naroaren aurkezpen bideo bat argitaratu zuten heuren "Datozen Etsipenak" abestiaren bertsio baten bidez, Alaitz BHI-ko ikasleek osatutako koruak lagunduta. Azkenik, lehen estudio lana aurkeztu dute: "Tantaka" singlea.

Sustraian Records

Thu, 12 Feb 2026 09:05:38 GMT

Disko aurkezpena eta pintxada

Arima Soul

Mon, 23 Feb 2026 10:00:56 GMT

Kontzertua

Martxelo Otamendi. Handira jotzeko kazetaritza - Liburu aurkezpena

Mon, 29 Sep 2025 08:35:12 GMT

Martxelo Otamendi euskal kazetari eta Euskaldunon Egunkariko zein Berriako zuzendari ohiari buruzko liburua da Martxelo Otamendi. Handira jotzeko kazetaritza, Garbiñe Ubeda Berriako kazetariak idatzia. Elkar argitaletxeak, Jakin aldizkariak eta Berria egunkariak argitaratu dute Aleka kazetaritza luzeko lanak biltzen dituen bildumaren ale berri hau

Nola egiten da bakarrizketa bat?

Thu, 16 Apr 2026 10:47:13 GMT

_Zerbait egin nahi dugu baina ez dakigu zer! Zikloa bueltan da, eta LABAN badu geldiune bat!

Danel Galdaerearekin tailerra egongo da, bakarrizketa bat nola sortu ikasteko. Ondoren, 19:30tan, Leo Bueriberiren bakarrizketa egongo da, adibide gisa. Animatu eta hurbildu ikastera eta ikustera! Sarrera doanik da, baina izen ematea beharrezkoa da: https://labur.eus/ZENDBEDZ2026

Nor naizen baneki

Wed, 04 Mar 2026 11:40:11 GMT

Nor Naizen Baneki antzezlana Iruñean emanen dute martxoaren 12an. Aurretik, martxoaren 4an, zuzeneko solasaldia eginen dute Euskalerria Irratiko kazetariek antzezlaneko aktoreekin. Aline Etxeberri, Oier Zuñiga eta Ximun Fuchs antzezlanari buruz arituko dira Maialen Uharte eta Inhar Iraizotz kazetariek gidatutako saioan.

Euskal artearen berrikuspen feminista

Fri, 30 Jan 2026 15:56:58 GMT

Euskal artearen berrikuspen feminista: artea eta identitatearen arteko bidegurutzeak hitzaldia emanen du artearen historian doktore den Ane Lekuonak.

Yoko Ona

Wed, 10 Dec 2025 08:36:28 GMT

Yoko Ona podcastean Olatz Salvador eta Lore Nekane Billelabeitia (Belako) musikariek, beren bizipenak eta anekdotak aztertzen dituzte, Ainhoa Vitoriak gidatuta. Musikak eta bizitzak egin dizkien ekarpenak eta bizi izandako egoera eta pasadizoak, modu atseginean aztertuz. Gonbidatuak ere izaten dute, aztertzera dihoazen gaiari lotutakoa sakon aztertzeko.

Panfleto bat atzenduraren kontra

Fri, 29 May 2026 11:03:20 GMT

Liburu aurkezpena Musikaren Txokoan. Idazleak azalduko dizkigu bere liburuaren nondik norakoak.

Historia ahanzturaren gainean eraikitzen da: ahantzi dezagun orain arte gertatua, bueltatu dezagun orrialdea. Orain beste pantaila batean gaude: aitzinari, ez gibelari, behatu behar diogu. Egiteko dugunari. Horrenbeste da hori! Ez gaitezen iraganarekin baraturik gelditu.

Hala gertatu izan da ia beti. Zoritxarrez. Zeren, hori eginik, gizarteak ordaintzen duen prezioa handiegia baita. Hasteko, biktimekin gertatzen dena. Biktimek berriz ere sentitzen dute zapalketa beren gainean, bigarren aldiz. Aitzinera bakarrik behaturik, ekuaziotik kanpo gelditzen dira. Eta gizartearentzako ere kostua izugarria baita: gure arteko bizikidetza duintasunean bakarrik eraiki daiteke.

Liburu hau gai horren inguruan munduko parte anitzetan gertatu diren erreferentziaz betea dago. Egileak hemengoa du buruan, jakina. Baina Irlanda, Italia, Frantzia, nazismoren ondoko Alemania edo Estonia, lehenagoko Jugoslaviatik sortu estatu berriak... Besteak beste, toki horietako hiritarren historia pertsonalak etengabe gurutzatzen dira liburuaren orrialdeetan.

Ikusteko, ikasteko, ez atzentzeko. Biktimak gogoan.

Tabuen kutxetik eszenara

Thu, 12 Feb 2026 08:57:20 GMT

Olatz Mercaderren bakarrizketa saioa, Iñurri elkartearen eskutik. Iñurri minbiziaren akonpainamendu, formazio eta dibulgazioan ikuspegi feminista eta eraldatzaile batetik diharduen elkartea da.

Torino Spritz

Wed, 29 Oct 2025 12:02:58 GMT

Torino Spritz eta Laba Beltzini koktelen dastaketa. DJak, pintxo bereziak eta giro ona!

Murgildu zaitez - Guatemalako ahotsak Podkasta

Thu, 23 Oct 2025 11:14:54 GMT

Nortasunaren defendatzaileak: Guatemalaren ahotsak" ez-fikziozko podkast narratibo bat da, Saqb 'ech Pérez maia mam aktibista gaztearen istorioaren bidez Guatemalaren bihotzera bidaiatzera gonbidatzen duena. 20 minutu eskasetan, soinu proposamen honek entzumenetik haratago doan esperientzia bat eskaintzen du: entzumen eta zentzumen ibilbide bat Saqb 'ech-en bizitzan eta bere herriaren sustrai bizietan zehar.

Sendatzen duten hitzak

Tue, 03 Mar 2026 12:09:12 GMT

**Hasier Larretxea ** (Arraioz 1982) Poeta, narratzaile eta performerra da. Bere lanak identitatean, lurraldean eta memorian sartzen ditu eskuak, iraganaren eta orainaren artean bidea irekiz.

Ongi etorri Iruñera

Wed, 25 Mar 2026 12:01:20 GMT

Iruñeko migratzaile eta errefuxiatuekin batera euskarara gerturatzeko zikloa. Hilero gai baten bueltan egiten da topaketa. Martxoan: gastronomia. Kasu! Saio hau ez da Laban eginen, Arrotxapeko Errotaberri elkartean baizik.

White Carters

Fri, 15 May 2026 11:01:54 GMT

White Carters taldearen kontzertua. Ondoren, pintxada saio bikoitza: Ezti Printzesa eta Sunny Wright IV.

Kumbia vs Saltsa

Tue, 30 Dec 2025 17:29:05 GMT

Mamba System eta El Sonido de Veldá Laba aretoan arituko dira, b2b bitxi honetan. Kunbiaren eta saltsaren onena leku berean. El Sonido de Veldá Bartzelonatik heldu da, eta Mamba-System Quitotik.

Zergatik independentzia? Hitzaldia

Wed, 12 Nov 2025 11:39:12 GMT

Gaur egungo testuinguruan eta etorkizunari begira euskal gazteriak dituen erronkak landuko dituzte hitzaldian. Haien apostuak «prozesu independetista integral» batetik pasa beharko direla uste dute Ernaikoek. «Herri honen askapena bururaino eramatea delako nahi ditugun helburu guztiak betetzeko bide eta berme bakarra». Horregatik, Ernaik planteatzen dituen estrategia independentistarako gakoak landuko dituzte hitzaldian.

1tzal1 3t4 p1ztu

Fri, 30 Jan 2026 16:07:10 GMT

Bertsolariak: Ekain Alegre, Ekhiñe Zapiain eta Haira Aizpurua. Musikariak: Aner Periz eta Manex Pagola Gai jartzailea: Ainhoa Larretxea

Aske jaialdia - aurkezpena

Mon, 29 Sep 2025 08:29:19 GMT

Soinu banda jarriko diogu gure bideari. Gure herria jendeak behar duena izan dadin. Aske izateko jaioak aske bizi gaitezen!

Jaialdiaren nondik norakoak ezagutu, ekimenera batzeko eta sorpresatxo bat edo besteren berri izan nahi baduzu ez galdu urriak 18ko aurkezpena Laban!

Tribialaba

Fri, 15 May 2026 11:14:35 GMT

Ekarri zure taldea eta erakutsiguzu zenbat dakizun, orojakitun!

Grans Fracassos

Wed, 25 Mar 2026 12:08:47 GMT

Txarly Brown idazlearen Grans Fracassos: Aventures gràfiques a la jamaicana 1989-2024 liburuaren aurkezpena, Mikel Makalak gidatuta. Ondoren, DJ Makalaren (Zarautz) eta Txarly Brown beraren (Bartzelona) pintxada.

Isla Rebista 2

Fri, 30 Jan 2026 15:50:14 GMT

Isla Rebista aldizkariaren bigarren alearen aurkezpena.

Jurgi Ekizaren kontzertua

Tue, 23 Sep 2025 10:45:03 GMT

Jurgi Ekiza, willis drummond-eko kantaria eta gitarristak, taldearen etenaldi mugagabea aprobetxatu du bere bakarkako bigarren lana isolamenduan prestatzeko: ARGITZALA. Album hori modu berezi batean aurkeztera dator: Bakar bakarrik ezsenatokian, alde batetik kanta batzu modu intimista eta gordin batean emanez baina bestetik, abesti batzu modu apainduago batean proposatuz ere. Aukera berezia izanen da orduan, diska berri hori zuzenean gozatu eta bizitzeko, baita artistaren ibilbidearen proiektu ezberdinetako kanten moldaketa bereziak primizian entzuteko. Galdu behar ez den kontzertu bat. EKIZA-k jadanik abisatu baitu diska berri honen aurkezpen bira “maratoi”-aren ondotik (20 kontzertu baino gehiago hilabete bakar batean!) garai batez berriz urrunduko zela agertokietatik.

Fonkicheff + Budin

Fri, 29 May 2026 10:47:45 GMT

Biniloekin pintxada berezia hilabeteko lehen asteburuan

The Titanians

Fri, 17 Apr 2026 10:53:04 GMT

The titanians taldea LABAra dator bere Tinko! diska aurkeztera. Saio bikoitza egingo dute, 19:00tan eta 21:00tan. Berotu belaunak Dub eta Reggae erritmoan dantzatzeko!

Euskal pentsamendu indigena - hitzaldia

Fri, 14 Nov 2025 14:39:20 GMT

Lehenik eta behin kultura zer den azaltzen da, betiere, Alfred Kroeber antropologoaren tesian oinarrituta. Izan ere, kulturaz asko hitz egiten da, baina ez da kultura zer den behar bezala azaltzen. Alfred Kroeberrek, berriz, Aitor Puyren ustetan, bete-betean asmatu zuen bere definizioarekin. Ondoren, bi kultura jartzen dira aurrez aurre: alde batetik, esango genuke, Mendebaldeko gure kultura moderno hau, eta, beste alde batetik, indigenen kultura. Bi kultura hauen nolabaiteko erradiografia egiten da, ezaugarri nagusiak aipatuz. Jarraitzeko, euskal indigenak aipatzen dira. Horretarako Joxe Miel Barandiaranek egindako lan etnografikoan oinarritzen da Puy, saiatuz hark bildutako mito eta kontakizunak interpretatzen. Bukatzeko, jakinduriari buruzko hausnarketa xume bat egin ohi du Puyk. Kulturalki osasuntsuagoak izan gaitezen, hitzaldian ematen den informazioa lagungarri izan daiteke.

Ipuingarria izango da - V. Liburuaren festa - Azaroak 7-8-9

Fri, 24 Oct 2025 11:34:32 GMT

✨ Ipuingarria izango da! V. festa dator!📖 Bost urte igaro dira Karrikiriko liburu baten orrialde artean abentura hasi zenetik… eta aurten berriro piztuko dugu ipuinen magia!

🎨 Ahozkotasuna, ilustrazioa, poesia, musika eta ipuina batzen dituen jaialdia izango da: Euskal Herriko kontalari, ilustratzaile, idazle eta musikariak Laban eta Kondestablen elkartuko dira udazkena kolorez eta istorioz betetzeko.

🗓 Azaroaren 6tik 9ra 📍 Laba eta Kondestable Zatoz gurekin sormenari bostekoa ematera eta udazkeneko ipuinen jaia ospatzera!

Bi zakur gaztelu plazan - Led Silhouette

Wed, 22 Oct 2025 11:14:45 GMT

Led Silhouette dantza konpainia Lesakan kokatzen da eta Jon Lopez eta Martxel Rodriguez ditu sustatzaile. Dantza garaikidea sortzen dute eta Laban eszenaratuko duten pieza Marcos Morau koreografo handiarekin batera sortu dute.

“Bi zakur Gaztelu plazan” koreografian bi gizon besarkatuta azaltzen dira. Dantzan ari diren bi gizon belar hezearen gainean edo kupula izartsuaren azpian. Pasio-dantza baten hedapena, bere zentzurik garbiena errepikapenean eta katarsian: akitu arte dantzatzea, abaildu arte zaunka egitea, hil arte bizi. Bi gizon dantzan, dena amaitu eta dena berriz hasi arte.

90eko hamarkadatik hona hamaika gerra eta krisialdi jasan ditugu, eta gure giza-harremanak zalantzan jarri dituzte. Suminduraz eta zalantzaz beteriko aro berria dugu. Sortzaileen funtzioa kolokan jarri da egoera honen aurrean. Dantza honetan gorputza eta mugimendua hozkada, zaunka, erreminta… gisa aurkezten dira. Babes-ezkutu bat izango balitz bezala.

Dantza erabiltzen dute mundua ulertu ahal izateko. Oihu ozen bat hedatzen dute, testuinguru berri bat bilatzeko. Horra hor aurrera egiteko borrokan ari den belaunaldi baten amorrua.

Txalaparta emanaldia

Tue, 23 Sep 2025 11:41:26 GMT

Txalaparta, tradizioa eta fusioa + txalaparta irekia

Posidonia Ozeanika

Fri, 29 May 2026 11:19:54 GMT

Arratsaldeko Euskaltzaleon Martxarako berotzeko Drag Pintxada berezia Posidonia Ozeanikaren eskutik. Zatozte bermutera!

'Erresumaren doinua' kantaldia

Mon, 29 Sep 2025 08:10:13 GMT

Larunbateko vermoutha dastatu aurretik, guztiok ezagutzen ditugun euskal abestiez osatutako errepertorioa eskainiko digu abesbatzak, belarrien gozamenerako.

Tribialaba

Fri, 14 Nov 2025 14:42:14 GMT

Ezagutzak astindu eta lehiakideekin barre egiteko jokoa. Hileroko azken asteartean.

Dum Dum Pachecos

Thu, 09 Apr 2026 08:52:24 GMT

R’n’R-a, psikodelia, R’n’R-a, folka, R’n’R-a eta gazte-jendeari horrenbeste gustatzen zaion 60ko hamarkadako pop pixka bat nahasten dituen talde iruindarra. Esan al dut R’n’R-a? Byrds-etik hasi eta Fairport Convention-eraino, Link Wray-tik edo Sadies-etatik pasatuz, baina erpuru oposagarririk garatu gabe.

2025ean bere kabuz argitaratu zuten euren lehen disko homonimoa; kantu borobilez betetako lana, milioidun bihurtzeko asmoarekin egina. 2026an... zain jarraitzen dute.

Remei de ca la fresca + Mihise

Fri, 15 May 2026 11:29:52 GMT

Kontzertu bikoitza: Mihise (EH) eta Remei de Ca la Fresca (Montseny). Usurbileko hirukoteak musika instrumentaletik abiatuta ahotsa eta instrumentu gehiago gehitu ditu bi diskatan defendatutako lanetan. Kataluniarrek rocka, poesia eta psikodelia dakarte, haserrez beteriko kantuekin. Babestu zuzeneko musika!

Denboraren lorategia

Thu, 11 Dec 2025 10:38:24 GMT

Itziar Azpirozen erakusketaren aurkezpena eta kontzertua

Arthur's Toys + Baobabs will destroy your planet

Tue, 07 Apr 2026 11:32:15 GMT

Arthur's Toys Iruña/Tolosar taldea da, hasieran hirukotea eta orain, zuzenerako, seikotea dena. Pop-Rocka egiten dute eta euren bigarren diska (Mamuekin jolasten) aurkeztera datoz gurera.

Baobab's Will Destroy Your Planet 2014an sortu zen, eta ordutik hiru diska (BWDYP, Argiaren Abiadura eta Arnasa) eta EP bat grabatu dituzte, leku eta produktore ezberdinekin. Proposamen eta estilo propioa daukate, zuzenean deskubritu beharrekoa.

Misseo Future

Fri, 14 Nov 2025 12:43:33 GMT

Misseo Future, Enek-o Zulaikaren aurreko musika-proposamen zenbatezinen sintesia da. Pop melodiko eta goxoenetik, death metal bortitz eta astunenera bidaiatzen du. Kontraste musikal zein semantikoa oinarri hartuta: pozez negar egitera, tristuraz barrez lehertzera eta lasai mosheatzera gonbidatuko zaitu bere abestiekin. Dozenaka lan argitaratu ditu, euren artean "Gmail Lyrics" Miguel Noguera artistarekin elkarlanean. http://misseofuture.bandcamp.com

Amaia Miranda

Mon, 23 Feb 2026 09:51:13 GMT

Amaia Mirandak Cada vez que te veo lo entiendo disko berria aurkeztuko du Nacho Murrekin batera.

Karaokea Gabi de la Mazarekin

Fri, 29 Aug 2025 17:27:13 GMT

Gorliztik euskal kantuaren karaokearen maisua izanen dugu berriz gurean. Urteetan zehar 4.300 abesti baino gehiago landu ditu karaoke formatuan, zuk zenbat abestuko dituzu?

Labea

Mon, 23 Feb 2026 09:48:16 GMT

Leo Bueriberi, Asier Galarza, Julen Pagazaurtundua eta Lander Varona txisteak probatzen arituko dira, Beñat Iturbek gidatutako saioan.

Mondo Lava

Thu, 12 Feb 2026 08:59:08 GMT

Mondo Lavak 1970eko hamarkadako tropikalia, dub, free jazz eta new age estiloak nahasten ditu lofi giroetan, Casio teklatu zaharrekin, perkusio organikoarekin eta gitarra saxo pasarte biziak uztartuz.

Xoka - Ariadnaren haria

Wed, 22 Oct 2025 11:03:27 GMT

Solaskideak: Beatriz Fernandez (liburuaren egilea) eta Garbiñe Bereziartua.

Tribialaba

Thu, 04 Jun 2026 10:51:19 GMT

Hilabeteroko galdera txapelketa informala. Garagardo artean, lagunartean, arratsalderako plan bikaina, eguzkitik ihes egiteko!

Labea

Tue, 11 Nov 2025 09:12:13 GMT

Hilabetero, Euskal Herri osoko hainbat komiko hurbilduko dira Labara material berria probatzera. Txiste batzuk onak izango dira. Beste batzuk, behintzat, euskaraz.

Korrikarako panel kolektiboa

Tue, 03 Mar 2026 12:12:03 GMT

Raul Oloriz artistak gidatutako saio honetan Korrikaren inguruko panel kolektibo bat eginen dute parte hartzaileek elkarrekin.

Raul Olorizek collageak lantzen ditu, eta bere lanak Laban ikusgai daude hilabete osoan.

Elkar&Hizketa

Fri, 29 May 2026 10:45:26 GMT

Txinparta Euskal Herriko Filosofia zaleen sareak antolatutako hitzaldia. Zikloan Filosofia eta Musika eta Filosofia eta Zinema landu ondoren, gurean Filosofia eta Feminismoa landuko dira, Maite Arraiza Zabalegiren eskutik.

Margolari - Manex Astigarragaren umorezko bakarrizketa

Fri, 24 Oct 2025 10:10:39 GMT

Bi urte luzez landu eta detailearekiko obsesioz eraikitako lana da MARGOLARI. Bertan, pertsona zein animaliei izenak jartzeko duen gaitasuna aitzakia hartuz, irudi surrealistak, satira soziala eta azeitunak uztartuko ditu Astigarragak. Umore absurdutik beltzera jauzika, bere ametsik sakonena aitortzeraino. Txandala, gaizki abestea, gaztelerazko esaldiren bat… egungo modako euskal kultura azken finean.

Arrotxapeko libertimenduaren aurkezpena

Thu, 08 Jan 2026 14:31:36 GMT

Hazitegia beka jaso duen jardueretako bat da Arrotxapeko libertimendua. Otsailean izanen da, eta Laban eginen dute libertimendu horren aurkezpena.

Mahai-joko kedada

Mon, 29 Sep 2025 08:31:31 GMT

Mahai-joko zaleok: zenbatetan jolastu dugu, halabeharrez, erderaz? Orain euskaraz aritzeko aukera izanen dugu hilabetean behin, Laban. Dinamika erreza da: bertaratu, aukeratu zertara jolastu nahi duzun, eta ongi pasa! Lehenengo topaketa urriaren 21ean, 18:00tan, LABAn!

Labea

Fri, 14 Nov 2025 14:40:19 GMT

Hilabetero, Euskal Herri osoko hainbat komiko hurbilduko dira Labara material berria probatzera. Txiste batzuk onak izango dira. Beste batzuk, behintzat, euskaraz.

LABEA

Fri, 15 May 2026 11:21:05 GMT

Bakarrizketa probalekua. Denboraldiko azken saioa. Gogoz barre egitera hurbildu. Beñat Iturbek eta Danel Galdaerak aurkeztuta, Aitor Basarrate, Iratititi, Joxe Aldasoro eta Ane Arrugaeta etorriko dira euren txisteak probatzera, labetik atera berri. Arratsalde plan bikaina da. Zatozte!

Neu Troia taldearen kontzertua

Fri, 29 Aug 2025 17:26:30 GMT

Neu Troia da Julen Azkonaren (Iruñea, 1993) proiektuaren izena. Oraingoan laukote formatuan dator, giro ameslari zein malenkoniatsua dakarren Arriskuaren Xarma lana aurkeztera. Taldearen abestiek, gitarra akustikoaren soinutik abiatuz, Indie jostalari eta barnerakoi bateraino daramate entzulea.

Tribialaba

Thu, 09 Apr 2026 09:33:04 GMT

Taldekako galdera joko ezaguna. Zatozte taldean edo bakarrik, demostratu zenbat dakizuen eta pasa arratsalde ederra gurean!

Cumbia vs salsa

Mon, 23 Feb 2026 09:59:51 GMT

Emakumearen Nazioarteko Egunaren harira, binilo pintxada berezia izanen dugu Laban: Muchacha der diablo, Marisa Covaleda eta Wepa selectors. Afaltzeko: takoak, arepak eta ceviche.

Caro Arroba

Fri, 15 May 2026 11:25:03 GMT

From Chicago to Berlin... Iruñeko Laba eta DLC-tik pasata. Caro Arroba Ekuadorreko musikari, ekoizle eta performerra da, Chicago-n (AEB) bizi dena, 2002az geroztik aktiboa. Bere lanak minimalismoa eta techno modularra uztartzen ditu, gorputzaren, makinaren eta soinu sintetikoen arteko harremana aztertuz. Bere live set-ak hardwarean soilik interpretatzen dira, giro inguratzaileak sortuz mikroperkusioarekin, pad sintetikoekin eta baxu-lerro indartsuekin.

Gurean sintesi modularraren inguruko hitzaldia eskainiko du, denbora errealeko erakustaldiekin. Jarraian, Modular Technoko ordubeteko saioa emango du. Ondoren, DLCko Bendiak gaua girotuko du beste pintxada saio bereziarekin.

Kata sentsoriala - Torino Berria, Labaren sukaldea

Wed, 19 Nov 2025 11:11:12 GMT

Aseginolaza & Leunda upategiaren eta Labaren sukaldearen artean antolatutako ardo kata sentsorialean parte hartzeko aukera izango dugu. Esperientzia honetan, ardoaren eta gure proposamen gastronomikoen —musika eta janari platerren— arteko fusioa eskainiko dugu, zentzumen guztiak martxan jarriz eta bizipen berezi eta integrala sortuz.

Rafael Anton Irrisarri

Mon, 15 Dec 2025 10:23:20 GMT

Euskaldun sentitzen naiz, eta hemen egotea etxean egotea bezalakoa da. Lurralde honekin lotura sakona sentitzen dut. Leku hau nire arbasoen oroimenean dago. Ez naiz hemen jaio, baina nire arbasoen odola daramat zainetan; bihotzez euskalduna naiz, nire DNAan daramat.” - Rafael Anton Irisarri

Irisarri lehen aldiz aurkeztuko da Nafarroan, bere arbasoen lurraldean. LABAko kontzertua, Iruñean, bere sustraietara itzulera sinboliko bat da, isiltasunaren eta paisaiaren bidez lotura berriro bilatzeko saiakera.

Konpositore, ekoizle eta masterizazio-ingeniari ibero-amerikar honek, euskal jatorrikoa, bere musika ambient, esperimental eta klasiko garaikidearen lurraldean dabil. Bere soinua paisaia emozional gisa hedatzen da, non oroimena, espazioa eta erresonantzia batzen diren pultsu bakarrean.

Points of Inaccessibility bere lan berria da, 2025eko udaberrian sortua Utrecht-en, Herbehereetan, Uncloud kolektiboaren egoitzan, artista bisual neerlandar Jaco Schilp-en gonbidapenari esker. Estudioa Pieter Baan Centre izeneko espetxe psikiatriko zaharrean zegoen, isolamenduaren eta oroimenaren oihartzunak oraindik gordetzen dituen leku batean. Lekuaren atmosferak musika markatu zuen, tentsioz, hauskortasunez eta gizatasun sakonez beterik. Lanaren sakoneko geruzetan oroimenaren eta iraganaren inguruko meditazio bat ere agertzen da, erresonantzian eta isiltasunean irauten duen horren gainean.

Gitarra prozesatuen eta soinuzko arkitektura esekien bidez, artistak erresonantzia eta urruntasunaren paisaia bat eraikitzen du. Diskoa lau mugimendutan banatuta dago, eta bakoitzak etengabe konektatuta egon arren, gero eta bakartuago egotearen paradoxa arakatzen du. Tituluak Lurraren sarbide punturik urrunenei egiten die erreferentzia, gure burbuila digitalen metafora gisa.

Albumak 2026ko otsailaren 6an ikusiko du argia, Black Knoll Editions zigiluaren bidez, BioVinyl formatuan, urte osoan zehar aurkezten ariko delarik.

Pingo Potens

Thu, 04 Jun 2026 11:12:59 GMT

Ikasturteko azkenaurreko kontzertua! Pingo Potens taldeak bere lehen diska aurkeztuko du gurean. Eguzkia jaistean, zatozte LABAra!

Labea

Tue, 30 Dec 2025 17:33:29 GMT

Hilabetero, Euskal Herri osoko hainbat komiko hurbilduko dira Labara material berria probatzera. Txiste batzuk onak izango dira. Beste batzuk, behintzat, euskaraz.

Memoria, paisaia eta identitatea

Fri, 30 Jan 2026 15:53:20 GMT

Solasaldia Amaia Molinet eta Oihane McGuinness artistekin.

Labea

Thu, 12 Feb 2026 08:55:04 GMT

Ander Malbadi, Mirari Martiarena eta Asier K arituko dira txisteak probatzen, Danel Galdaerak eta Beñat Iturbek gidatuta.

TU-K + Petti

Fri, 29 May 2026 10:53:02 GMT

Rock&Roll pixka bat eguna epeltzen hasten denerako!

Heziketa librea - Liburu aurkezpena

Fri, 14 Nov 2025 14:37:11 GMT

Heziketa librea liburuak haurrek libre(ago) izateko beharko luketen heziketa eta haziera ditu hizpide, bizitzaren lehen urteetan garatzen direlako burujabetasunerako behar diren oinarrizko baldintza psikologikoak. Sistemaren kritika zorrotza da, eskolak soberan duena antzeman eta benetan emantzipatzaile izango den eskola-eredu bat irudikatu dezagun.

Hau ez da “heziketa libreak” nolakoa izan behar duen ikasteko gida bat, askatasuna ezin delako orokortu edo normatibizatu, eta norberak behar duelako berea definitu, benetan libre izango bada. Gogoeta hariak dira, askatasuna kontzeptuaren interpretazio pertsonala eta bizitza onari buruzko hausnarketa kritikoa. Horrek izan beharko lukeelako heziketaren esanahia: gazteagoei eskaintzeko dugun bizitza.

KAK!

Wed, 05 Nov 2025 12:18:32 GMT

KAK! 2024an Meñakabarrenan lau lagunek osatutako taldea da. 2025ko udaberrian bi single argitaratu dituzte, Ahaztu eta Egan. Urte bereko udazkenean Kendutako Azken Kartela izeneko lehen diskoa kaleratu dute, guztiak Mikel Reparazen estudioan grabatuak eta Kaki Arkarazok masterizatuak. Bere abestietan Punk, Post Punk edo New Wave estiloen eraginak entzungo ditugu. Eta The Jam, Blondie, The Cure, Anari edo Dut taldeen eragina. Taldekide batzuk dagoeneko deseginda dagoen Zazkel taldetik datoz. Asier (baxua), Irati (gitarra eta ahotsa) eta Etxahun (bateria eta ahotsa), eta horiei Joanes gehitu zaie gitarran.